1 Pb1ra Z1ra " Cupientes aliquid de penuria ac tenuitate nostra cum paupercula in gazophylacium Domini mittere " ^[a] , P4va ardua scandere, opus ultra vires nostras agere praesumsimus, consummationis fiduciam laborique mercedem "in Samaritano" ^[b] statuentes, qui, prolatis in curationem semivivi duobus denariis, supereroganti cuncta reddere professus est. Delectat nos veritas pollicentis, sed terret immensitas laboris; desiderium hortatur proficiendi, sed dehortatur infirmitas deficiendi, quam vincit zelus domus Dei.

2 " Quo inardescentes, fidem nostram adversus errores carnalium atque animalium hominum " ^[c] Davidicae turris clypeis munire vel potius munitam ostendere ac theologicarum inquisitionum abdita aperire nec non et sacramentorum ecclesiasticorum pro modulo intelligentiae nostrae notitiam tradere studuimus, " non valentes studiosorum fratrum votis iure resistere, eorum in Christo laudabilibus studiis lingua ac stilo nos servire flagitantium. Quas bigas in nobis agitat Christi caritas " ^[d] .

3 "Quamvis non ambigamus omnem humani eloquii sermonem calumniae atque contradictioni aemulorum semper fuisse obnoxium, quia, dissentientibus voluntatum motibus, dissentiens quoque fit animorum sensus" ^[e] "ut, cum omne dictum veri ratione perfectum sit, tamen, dum aliud aliis aut videtur aut complacet, veritati vel non intellectae vel offendenti impietatis eror obnitatur, ac voluntatis invidia resultet" ^[f] "quam "Deus huius saeculi operatur in illis diffidentiae filiis" ^[h] qui non rationi voluntatem subiiciunt nec doctrinae studium impendunt, sed his quae somniarunt sapientiae verba coaptare nituntur, non veri, sed placiti rationem sectantes, quos iniqua voluntas non ad intelligentiam veritatis, sed ad defensionem placentium Z1rb incitat, non desiderantes doceri veritatem, sed ab ea " ad fabulas convertentes auditum " ^[i] ; quorum professio est magis H1rb placita quam docenda conquirere, nec docenda desiderare, sed desideratis doctrinam coaptare. " Habent rationem sapientiae in superstitione" ^[j] : quia fidei defectionem sequitur hypocrisis mendax, ut sit vel in verbis pietas, quam amiserit conscientia, ipsamque simulatam pietatem omni verborum mendacio impiam reddunt, falsae doctrinae institutis fidei sanctitatem corrumpere molientes, auriumque pruriginem sub novello sui desiderii dogmate aliis ingerentes, qui contentioni studentes contra veritatem sine foedere bellant. " ^[g] "Inter veri namque assertionem et placiti defensionem pertinax pugna est, dum Pb1rb se et veritas tenet, et se voluntas erroris tuetur. " ^[k]

4 Horum igitur Deo odibilem ecclesiam evertere atque ora oppilare, ne virus nequitiae in alios effundere queant, " et lucernam veritatis in candelabro exaltare volentes " ^[l] in labore multo ac sudore volumen, Deo P4vb praestante, compegimus ex testimoniis veritatis in aeternum fundatis, in quatuor libris distinctum.

5 In quo maiorum exempla doctrinamque reperies, in quo per dominicae fidei sinceram professionem vipereae doctrinae fraudulentiam prodidimus, aditum demonstrandae veritatis complexi nec periculo impiae professionis inserti, temperato inter utrumque moderamine utentes. Sicubi vero parum vox nostra insonuit, non a paternis discessit limitibus.

6 " Non igitur debet hic labor cuiquam pigro vel multum docto videri superfluus, cum multis impigris multisque indoctis, inter quos etiam et mihi, si necessarius " ^[m] , brevi volumine complicans Patrum sententias, appositis eorum testimoniis, ut non sit necesse quaerenti librorum numerositatem evolvere, cui brevitas collecta quod quaeritur offert sine labore. In hoc autem tractatu " non solum pium lectorem, sed etiam liberum correctorem desidero, maxime ubi profunda versatur veritatis quaestio, quae utinam tot haberet inventores, quot habet contradictores " ^[n] .

7 Ut autem quod quaeritur facilius occurrat, titulos, quibus singulorum librorum capitula distinguuntur, Z1va praemisimus.